لاہور+اسلام آباد(رپورٹ اسد مرزا ):
پنجاب پولیس میں حالیہ اعلیٰ سطحی تبادلوں کے بعد مزید اہم انتظامی تبدیلیوں کا امکان ظاہر کیا جا رہا ہے۔ ذرائع کے مطابق سی پی او راولپنڈی خالد ہمدانی اور دیگر انتظامی افسران کے تبادلوں کے بعد متعدد اہم عہدوں پر نئی تعیناتیوں کی تیاریاں جاری ہیں۔ ذرائع کا کہنا ہے کہ پہلے سی پی او ملتان کے لیے زیر غور آنے والے ڈی آئی جی سی ٹی ڈی حسن مشتاق سکھیرا کو اب سی پی او راولپنڈی تعینات کر دیا گیا ہے، جبکہ سی پی او ملتان کے عہدے پر ڈی آئی جی ایڈمن لاہور عمران کشور کی تعیناتی کا قوی امکان ہے۔ اسی طرح ڈی آئی جی سی سی ڈی وقاص الحسن کو ریجنل پولیس آفیسر (آر پی او) شیخوپورہ تعینات کیے جانے کی اطلاعات بھی سامنے آ رہی ہیں۔ ذرائع کے مطابق اس حوالے سے جلد باضابطہ نوٹیفکیشن جاری کیے جانے کا امکان ہے۔ پولیس ذرائع کے مطابق ان مجوزہ تبادلوں کا مقصد مختلف اضلاع میں پولیسنگ کو مزید مؤثر بنانا اور انتظامی امور کو بہتر بنانا ہے۔ وقاص الحسن کی متوقع تعیناتی کے بعد جرائم میں نمایاں کمی یا "بدمعاشی اور ناانصافی کا قلع قمع” ہونے کی توقعات ہیں،ایس ایس پی فیصل شہزاد کو ایس ایس پی ایڈمن لاہور تعینات کئے جانے کا امکان ہے اسی طرح راولپنڈی میں سنئیر افسران کے بھی مرحلہ وار تبادلوں کا امکان ہے
