ٹنڈوالہیار رپورٹ تیمور رضا قائم خانی
۔ ڈسٹرکٹ کونسل ٹنڈوالہیار کی یونین کونسل نمبر 24 کھوکھر سے نو منتخب رکن کے حلف برداری کی تقریب آج ڈپٹی کمشنر آفس ٹنڈوالہیار میں منعقد ہوئی تقریب میں ڈسٹرکٹ ریٹرننگ آفیسر و ڈپٹی کمشنر ٹنڈوالہیار نور مصطفیٰ لغاری نے ڈسٹرکٹ کونسل ٹنڈوالہیار کے نو منتخب رکن ذوالقرنین کھوکھر سے ان کے عہدے کا حلف لیا۔ اس موقع پر ڈپٹی کمشنر نے نو منتخب رکن کو مبارکباد دیتے ہوئے امید ظاہر کی کہ وہ عوامی خدمت، شفافیت اور دیانت داری کو مقدم رکھتے ہوئے اپنے حلقے کی ترقی اور عوامی مسائل کے حل کے لیے بھرپور کردار ادا کریں گے حلف برداری کی تقریب میں ڈسٹرکٹ الیکشن کمشنر ٹنڈوالہیار اشرف لودھی، متعلقہ محکموں کے ضلعی افسران اور دیگر معزز شخصیات نے بھی شرکت کی۔