اسلام آباد سے اسد مرزا کی رپورٹ
چیف جسٹس پاکستان جسٹس یحییٰ آفریدی کی منظوری سے جوڈیشل کمیشن آف پاکستان نے ملک کی چاروں ہائیکورٹس میں ایڈیشنل ججز کی تقرری کے لیے امیدواروں کے انٹرویوز کے انعقاد کی غرض سے کمیٹیاں تشکیل دے دی ہیں۔ جوڈیشل کمیشن کی جانب سے جاری نوٹیفکیشن کے مطابق لاہور اور اسلام آباد ہائیکورٹس کے امیدواروں کے انٹرویوز کے لیے قائم کمیٹیوں کی سربراہی وفاقی آئینی عدالت کے جسٹس سید حسن اظہر رضوی کریں گے، جبکہ سندھ اور بلوچستان ہائیکورٹس کے امیدواروں کے انٹرویوز کے لیے وفاقی آئینی عدالت کے جسٹس عامر فاروق چیئرمین ہوں گے۔ نوٹیفکیشن کے مطابق چیف جسٹس لاہور ہائیکورٹ جسٹس عالیہ نیلم چاروں انٹرویو کمیٹیوں کی رکن ہوں گی۔ اس کے علاوہ اٹارنی جنرل منصور عثمان اعوان، سینیٹر فاروق ایچ نائیک، سینیٹر سید علی ظفر اور پاکستان بار کونسل کے نمائندے محمد احسن بھون بھی تمام کمیٹیوں میں بطور رکن شامل ہوں گے، جبکہ متعلقہ ہائیکورٹس کے چیف جسٹس اپنی اپنی کمیٹی کا حصہ ہوں گے۔
جوڈیشل کمیشن کے مطابق ان کمیٹیوں کو 4 جولائی 2026 تک امیدواروں کے انٹرویوز مکمل کر کے اپنی سفارشات پیش کرنے کی ہدایت کی گئی ہے۔
جوڈیشل کمیشن کا بڑا قدم: چاروں ہائیکورٹس میں ایڈیشنل ججز کی تعیناتی کے لیے انٹرویو کمیٹیاں تشکیل
