ٹنڈوآدم(رپورٹ:بیوروچیف)
چوٹیاریوں پرائمری اسکول سے چرائے گئے 5 پنکھے برآمد، چور گرفتار۔ سانگھڑ: تفصیلات کے مطابق مخدوم امین فہیم گورنمنٹ پرائمری اسکول (ٹنڈو مٹھا خان) چوٹیاریوں سے گزشتہ دنوں نامعلوم چور اسکول کی عمارت سے 08 چھت کے پنکھے چرا کر لے گئے تھے۔ ایسی شکایت موصول ہونے پر پولیس نے ملزمان کی گرفتاری اور مال مسروقہ کی برآمدگی کے لیے کوشش شروع کی۔ بالاخر واردات میں ملوث دونوں چور پوون میگواڑ اور جانی کو گرفتار کر لیا گیا ہے اور ان کے قبضے سے چوری کیے گئے پنکھوں میں سے 05 پنکھے برآمد کر لیے گئے ہیں۔ گرفتار ملزمان سے تفتیش جاری ہے اور مزید برآمدگی جلد متوقع ہے۔