[سعيدنور وگن]تھرپارکر
پیٹرولیم ڈویژن کے ذرائع نے پیٹرول اور ڈیزل کی موجودہ قیمتوں میں شامل ٹیکسوں کی تفصیلات جاری کر دی ہیں۔رپورٹ کے مطابق پیٹرول کی فی لیٹر قیمت میں تقریباً 29 فیصد حصہ مختلف ٹیکسوں پر مشتمل ہے، جس کے تحت ایک لیٹر پیٹرول میں مجموعی طور پر 88 روپے 7 پیسے کے ٹیکس شامل ہیں۔ ان میں 19 روپے 32 پیسے کسٹم ڈیوٹی، 66 روپے 25 پیسے پیٹرولیم لیوی اور 2 روپے 50 پیسے کلائمیٹ سپورٹ لیوی شامل ہے۔ذرائع کے مطابق ڈیزل کی قیمت میں بھی تقریباً 29 فیصد ٹیکس شامل ہے، اور ایک لیٹر ڈیزل پر مجموعی طور پر 91 روپے 15 پیسے کے ٹیکس لاگو ہیں۔ اس میں 15 روپے 68 پیسے کسٹم ڈیوٹی، 72 روپے 97 پیسے پیٹرولیم لیوی اور 2روپے 50 پیسے کلائمیٹ سپورٹ لیوی شامل ہے۔
واضح رہے کہ حکومت نے دو روز قبل پیٹرول کی قیمت میں 74 روپے 28 پیسے جبکہ ڈیزل کی قیمت میں 67 روپے 31 پیسے کی کمی کی تھی۔ حالیہ کمی کے بعد پیٹرول کی نئی قیمت 299 روپے 50 پیسے فی لیٹر جبکہ ڈیزل کی قیمت 311 روپے 47 پیسے فی لیٹر مقرر کی گئی ہے۔