جیکب آباد رپورٹ مجیب کھوسو
جیکب آباد کے آباد تھانے کی حدود گاؤں کرم خان پنہور میں ایک افسوسناک واقعہ پیش آیا، جہاں 22 سالہ نوجوان خاتون رخسانہ پنہور نے مبینہ طور پر اپنی کنپٹی پر پستول سے فائر کرکے خودکشی کرلی۔واقعے کے بعد علاقے میں سوگ کی فضا پھیل گئی۔ اطلاع ملنے پر آباد تھانے کی پولیس موقع پر پہنچ گئی اور لاش کو تحویل میں لے کر ضروری قانونی کارروائی کے لیے سول اسپتال جیکب آباد منتقل کردیا، جہاں پوسٹ مارٹم اور دیگر قانونی مراحل مکمل کیے جائیں گے۔پولیس کے مطابق واقعے کی مختلف پہلوؤں سے تحقیقات کی جارہی ہیں ۔ آخری اطلاعات تک واقعے کی مزید تفصیلات سامنے نہیں آسکی تھیں جبکہ پولیس کی جانب سے تحقیقات کا سلسلہ جاری ہے۔