نئی دہلی: بھارتیہ کرکٹ کنٹرول بورڈ (بی سی سی آئی) نے انگلینڈ کے خلاف ونڈے سیریز کے لئے 15 رکنی ٹیم انڈیا کا اعلان کردیا ہے۔ افغانستان کے خلاف ونڈے سیریزمیں شامل نہیں ہونے والے وراٹ کوہلی کی ٹیم میں واپسی ہوگئی ہے۔ جسپریت بمراہ کی بھی واپسی ہوئی ہے، لیکن افغانستان کے خلاف تیسرے ونڈے میں ناٹ آوٹ سنچری اننگ کھیلنے والے یشسوی جیسوال ڈراپ ہوگئے ہیں۔
وراٹ کوہلی کی فٹنس ابھی بھی تشویش کا موضوع بنا ہوا ہے۔ بی سی سی آئی نے باضابطہ بیان جاری کرتے ہوئے کہا کہ وراٹ کوہلی کا کھیلنا ان کی فٹنس پرمنحصر کرے گا۔ وراٹ کوہلی کو آئی پی ایل-2026 کے فائنل میچ میں ہیمسٹرنگ انجری ہوئی تھی، جس کی وجہ سے وہ افغانستان کے خلاف ونڈے سیریز میں نہیں کھیل پائے گی۔
ہاردک پانڈیا اس ٹیم سے بھی باہرہیں، جوچمپئنز ٹرافی 2025 کے بعد کوئی ونڈے میچ نہیں کھیلے ہیں۔ وہیں، جسپریت بمراہ کی واپسی ہوئی ہے۔ افغانستان کے خلاف تیسرے ونڈے میچ سے قبل ہرشت رانا چنئی میں ٹیم انڈیا کے ساتھ وابستہ ہوئے تھے، لیکن انہیں پلیئنگ الیون میں شامل نہیں کیا گیا تھا۔ ہرشت رانا کو انگلینڈ کے خلاف ٹی-20 اور ونڈے، دونوں اسکواڈ میں جگہ ملی ہے۔
گرنوربراڑ کو ملی ٹیم میں جگہ
افغانستان کے خلاف ونڈے سیریز میں 7 وکٹ حاصل کرنے والے گرنور براڑاپنی جگہ محفوظ رکھی ہے، لیکن اسپن گیند باز ہرش دوبے باہرہوگئے ہیں۔ اکشرپٹیل ونڈے ٹیم میں واپس آئے ہیں۔ رویندر جڈیجہ سے متعلق بھی صورتحال واضح ہونے لگی ہے کہ وہ 2027 ونڈے ورلڈ کپ کے پلان کا حصہ نہیں ہیں کیونکہ واشنگٹن سندر بطوراسپن آل راونڈر مسلسل پلیئنگ الیون میں کھیلتے ہوئے نظرآرہے ہیں۔