اتر پردیش کے ضلع مظفرنگر سے ایک ایسا دل دہلا دینے والا واقعہ سامنے آیا ہے جس نے سرکاری اسپتالوں کے نظام اور طبی اخلاقیات پر سنگین سوالات کھڑے کر دیے ہیں۔ ایک سرکاری ڈاکٹر پر الزام عائد کیا گیا ہے کہ اس نے 14 سالہ ذہنی طور پر معذور بچی کی ٹانگ، جو پہلے ہی آپریشن کے بعد جوڑی جا چکی تھی، اس لیے دوبارہ شدید نقصان پہنچایا کیونکہ اس کی بیوہ ماں رشوت کی باقی رقم ادا نہیں کر سکی تھی۔
متاثرہ خاتون، ریشما، اپنی بیٹی کے ساتھ ضلع کلکٹریٹ پہنچی اور انتظامیہ سے انصاف کی اپیل کی۔ ان کا کہنا ہے کہ ان کی بیٹی کی حالت پہلے ہی نازک تھی، لیکن اسپتال کے عملے اور متعلقہ ڈاکٹر کے رویے نے ان کی مشکلات میں مزید اضافہ کر دیا۔