صوابی( حق نواز خان)
پاکستان ورکرز فیڈریشن کے صدر شوکت علی انجم۔ سرپرست اعلی چوہدری محمد یاسین۔جنرل سیکرٹری اسد محمود۔ چئیرمین چوہدری عبدالرحمن آسی نے اپنے مشترکہ بیان میں حکومت پاکستان اور صوبائی حکومت سے مطالبہ کیا ہے کہ بجٹ 2026-27 میں سرکاری ملازمین، مزدوروں اور محنت کش طبقے کو حقیقی اور مؤثر ریلیف فراہم کیا جائے۔ انہوں نے کہا کہ ملک میں بڑھتی ہوئی مہنگائی، بجلی، گیس، پیٹرولیم مصنوعات اور اشیائے خوردونوش کی قیمتوں میں مسلسل اضافے نے ملازمین اور مزدور طبقے کی زندگی شدید مشکلات سے دوچار کر دی ہے، جبکہ تنخواہوں اور مراعات میں مناسب اضافہ نہ ہونے کے باعث لاکھوں خاندان معاشی دباؤ کا شکار ہیں۔