سیالکوٹ (بیورو رپورٹ۔سلیم احمد اعوان شیخو)
سیشن عدالت سے مقدمہ قتل میں ملوث ملزم کو عمر قید کی سزا سنا دی گئی۔بتایا گیا ہے کہ ایڈیشنل سیشن جج رائے محمد خان کی عدالت میں تھانہ ہیڈ مرالہ کا قتل کا مقدمہ ملزم رشید ولد خلیق اعوان رہائشی سروبائی کے خلاف زیر سماعت تھا۔مقدمہ کی سماعت مکمل ہونے کے بعد فاضل جج نے ملزم رشید کو جرم ثابت ہونے پر عمر قید اور 2 لاکھ روپے مقتول کے ورثاء کو بطور ہرجانہ ادا کرنے کی سزا کا حکم سنایا۔عدم ادائیگی جرمانہ کی صورت میں ملزم کو 6 ماہ قید مزید بھگتنا ہوگی۔جبکہ ملزم کو مقتول کے ورثا کو 81 لاکھ 3 ہزار 995 روپے بطور دیت ادا کرنے کا حکم سنایا۔استغاثہ کی پیروی ڈپٹی ڈسٹرکٹ پبلک پراسیکیوٹر رانا زاہد نے کی۔استغاثہ کے مطابق ملزم رشید نے سابقہ رنجش کی بناء پر اپنے علاقہ میں قتل کر دیا تھا۔