چکوال (جلیل نقوی)
عوامی پریس کلب ضلع چکوال (رجسٹرڈ) کے ایک وفد نے ایکسائز اینڈ ٹیکسیشن آفیسر چکوال چوہدری ذوالفقار عباس سے ملاقات کی اور محکمہ ایکسائز اینڈ ٹیکسیشن سے متعلق عوامی مسائل، خدمات اور حالیہ اقدامات پر تفصیلی گفتگو کی۔وفد کی قیادت بانی چیئرمین عوامی پریس کلب ضلع چکوال ڈاکٹر زاہد عباس چوہدری نے کی اس موقع پر صدر عوامی پریس کلب ضلع چکوال ممتاز احمد راجپوت اور ممبر ایگزیکٹو باڈی عوامی پریس کلب ضلع چکوال جلیل نقوی بھی موجود تھے۔ملاقات کے دوران گاڑیوں کی ٹرانسفر، ٹوکن ٹیکس، پراپرٹی ٹیکس، پروفیشنل ٹیکس اور پراپرٹی کی رجسٹری کے لیے درکار این او سی کے حوالے سے عوامی سوالات اور شکایات زیر بحث آئیں۔ وفد نے بعض شہریوں کی جانب سے موصول ہونے والی شکایات کا ذکر کرتے ہوئے کہا کہ گاڑیوں کی ٹرانسفر کے اپروول کے لیے غیر ضروری رکاوٹوں اور مبینہ طور پر رقم طلب کیے جانے کی اطلاعات سامنے آتی ہیں۔