سیالکوٹ (سلیم احمد اعوان شیخو) ڈپٹی کمشنر سیالکوٹ صبا اصغر علی نے کہا ہے کہ سیالکوٹ ویسٹ مینجمنٹ کمپنی نے عید الاضحی پر آلائشیں اٹھانے اور ٹھکانے لگانے کا آپریشن مکمل کرلیا گیا ہے۔ ضلع بھر میں فضا کو خوشگوار اور معطر بنانے کے لئے شاہرات کی صفائی کا عمل کرلیا گیا۔ تین دنوں کے دوران5500 سے زائد ورکرز آلائشوں کو ٹھکانے لگانے کے لئے اپنی ڈیوٹی سر انجام دیتے رہے،16 ہزار ٹن سے زائد آلائشوں کو ٹھکانے لگایا گیا ضلع بھر میں عید کے تیسرے دن فضا کو ماحول دوست بنانے کے لئے فینائل اور عرق گلاب سے شاہراہوں کی صفائی کی جاری ہے۔ڈپٹی کمشنر سیالکوٹ صبا اصغر علی نے سیالکوٹ کے مختلف علاقوں میں صفائی آپریشن مکمل ہونے پر دورہ کے دوران گفتگو کرتے ہوئے کیا۔ اس موقع پر ان کے ہمراہ چیف ایگزیکٹیو آفیسر عبدالرزاق ڈوگر، منیجر کمیونیکیشن فہد جاوید ودیگر بھی ہمراہ تھے۔ انہوں نے کہا کہ عید الاضحی کے موقع پر مختلف مقامات پر چونا بھی لگایا گیا تاکہ شہری جراثیم سے محفوظ رہیں۔ عید الاضحی کے تینوں روز ضلع بھر کی چاروں تحصیلوں سیالکوٹ، پسرور،سمبڑیال، ڈسکہ میں 16ہزار 394ٹن آلائشوں کو ڈمپنگ سائٹ پر منتقل کرکے ڈمپ کردیا گیا۔جبکہ آپریشن میں 5260 ورکرز کے علاوہ 295 اضافی ورکرز نے حصہ لیا۔ آپریشن سے قبل تین لاکھ چار ہزار 887 ویسٹ بیگز تقسیم کئے گئے 1630 سے زائد گاڑیاں آلائشوں کو اٹھانے اور انہیں ٹھکانے لگانے پر استعمال ہوئیں،کولیکشن پوائنٹ کو 3100 لیٹر عراق گلاب اور 11ہزار 146 لیٹر فینائل سے شاہرات کی صفائی ستھرائی کرکے 96 ہزار 250کلو چونا استعمال کیا گیا۔ گلیوں محلوں اور بازاروں کی مکمل صفائی کردی جائے گی تاکہ کل شہریوں کو صاف ستھرا ماحول ملے۔