نواب شاہ (رپورٹ: نفیس آرائیں)شہریوں کو خالص، معیاری اور حفظانِ صحت کے اصولوں کے مطابق دودھ کی فراہمی یقینی بنانے کے لیے فوڈ اتھارٹی نے نواب شاہ کے مختلف علاقوں میں دودھ فروشوں کے خلاف بھرپور کریک ڈاؤن کرتے ہوئے متعدد دکانوں اور سپلائی پوائنٹس کا معائنہ کیا۔ کارروائی کی قیادت ڈپٹی ڈائریکٹر نوید عباس زرداری نے اپنی ٹیم کے ہمراہ کی۔کارروائی کے دوران دودھ کی موقع پر چیکنگ کی گئی جبکہ مشکوک اور غیر معیاری دودھ کے نمونے حاصل کرکے لیبارٹری تجزیے کے لیے روانہ کر دیے گئے۔ فوڈ حکام کے مطابق یہ مہم شہریوں کو ملاوٹی، مضرِ صحت اور غیر معیاری دودھ کی فروخت سے محفوظ رکھنے کے لیے عمل میں لائی جا رہی ہے۔فوڈ سیفٹی ٹیم نے مختلف دکانوں، ڈیری پوائنٹس اور سپلائی مراکز پر صفائی ستھرائی، حفظانِ صحت کے تقاضوں اور اشیائے خورونوش کی محفوظ ترسیل کے معیار کا بھی تفصیلی جائزہ لیا، جبکہ متعدد دودھ فروشوں کو سخت تنبیہات جاری کی گئیں۔
نواب شاہ میں ملاوٹی دودھ فروشوں کے خلاف گھیرا تنگ، فوڈ اتھارٹی کا وسیع پیمانے پر کریک ڈاؤن
