ایف آئی اے گوجرانولہ ڈویژن نے آفیسران نے جعلی ایجوکیشن کنسلٹنٹ کو گرفتار کر لیا

سیالکوٹ (سلیم احمد اعوان شیخو) ایف آئی اے گوجرانولہ ڈویژن نے آفیسران نے جعلی ایجوکیشن کنسلٹنٹ کو گرفتار کر لیا۔بتایا گیا ہے کہ گوجرانولہ کے علاقہ باغبانپورہ میں ٹریول مارٹ کے نام سے ایک بیرون ملک بیھجنے والا ایجوکیشن کنسلٹنٹ کا ادارہ قائم ہے اور اس ادارہ کے مالکان نے مختلف لوگوں سے لاکھوں روپے ایجوکیشن بیرون ملک دلوانے کے لئے بٹور لئے لیکن کسی کو بیرون ملک نہ بھیجا اور جب لوگوں کے صبر کا پیمانہ لبریز ہوا تو انھوں نے واویلا کیا اور فیڈرل انویسٹیگیشن ایجنسی (ایف آئی اے) گوجرانولہ ڈویژن کے ڈائریکٹر محمد بن اشرف کو تحریری طور درخواست دے کر آگاہ کیا تو مذکورہ ڈائریکٹر نے سرکل آفیسر سرور وڑائچ کو فوری کارروائی کرنے کی ہدایت کی اور جب مذکورہ سرکل آفیسر نے اپنی ٹیم کے ہمراہ کارروائی کی تو مذکورہ ادارہ کے دفتر سے جعلی کنسلٹینسی کے کاغذات،سینکڑوں پاسپورٹ اور جعلی مہریں برآمد ہوئیں۔ایف آئی اے نے مذکورہ ادارہ کے دو مالکان کو گرفتار کرنے کے بعد مقدمہ درج کرکے تفتیش شروع کر دی ہے۔