واشنگٹن ڈی سی :مریکی صدر ڈونلڈ ٹرمپ نے قطر کے امیر تمیم بن حمد ال ثانی، سعودی عرب کے ولی عہد محمد بن سلمان آل سعود اور متحدہ عرب امارات کے صدر محمد بن زاید آل نہیان کی خصوصی درخواست پر ایران کے خلاف کل ہونے والے مجوزہ فوجی حملے کو فی الحال روکنے کا حکم دے دیا ہے۔
ٹروتھ سوشل پر جاری بیان میں صدر ٹرمپ نے کہا کہ ان عرب رہنماؤں نے مطلع کیا ہے کہ اس وقت انتہائی سنجیدہ مذاکرات جاری ہیں اور ان عظیم رہنماؤں اور اتحادیوں کی رائے میں ایک ایسا معاہدہ طے پا جائے گا جو امریکہ سمیت مشرق وسطیٰ اور دنیا کے تمام ممالک کے لیے مکمل طور پر قابل قبول ہوگا۔ اس ممکنہ معاہدے کی سب سے اہم شرط یہ ہوگی کہ ایران کے پاس کوئی جوہری ہتھیار نہیں ہوں گے۔صدر ٹرمپ نے بتایا کہ عرب قائدین کے احترام میں سیکریٹری جنگ پیٹ ہیگستھ، جوائنٹ چیفس آف اسٹاف کے چیئرمین جنرل ڈینیئل کین اور امریکی فوج کو کل کا حملہ روکنے کی ہدایات جاری کر دی گئی ہیں، تاہم امریکی فوج کو یہ بھی حکم دیا گیا ہے کہ اگر کوئی قابل قبول معاہدہ طے نہ پا سکا تو وہ کسی بھی لمحے ایران پر فوری اور بڑے پیمانے پر بھرپور حملے کے لیے بالکل تیار رہیں۔
خلیجی ممالک کی درخواست پر امریکی صدر ڈونلڈٹرمپ نے ایران پر حملہ روک دیا
