لاہور:مسلم لیگ ن کی ایم پی اے عظمی کاردار جم کرتے ہوئے سر پر راڈ لگنے سے زخمی ہو گئیں،ابتدائی طبی امداد لینے کے بعد سروسز ہسپتال روانہ ہوگئیں۔
تفصیلات کے مطابق لیگی ایم پی اے عظمی کاردار کا کہنا تھا کہ روٹین میں ایکسرسائز کے لیے جمخانہ کلب آتی ہوں ،آج وزن کی ٹریننگ کے دوران راڈ ٹھیک سے بند نہیں کر پائی، عمومی طور پر میرا ٹرینر میرے ساتھ ہوتا ہے، ٹرینر ان چیزوں کا اچھے سے خیال رکھتا ہے۔ ٹرینر کی عدم موجودگی کے باعث خود ٹھیک سے پن نہیں لگا پائی،جس کے باعث راڈ سر پر آ کر لگا۔
انہوں نے مزید کہا کہ نجی ہسپتال سے ابتدائی طبی امداد لے لیں ہیں، انہوں نے بلیڈنگ کو روک دیا اور ڈریسنگ کر دی ہے، ٹانکے لگوانے کے لیئے سروسز ہسپتال جا رہی ہوں۔
