باکو: وزیراعلیٰ پنجاب مریم نواز شریف کی آذربائیجان کے بابائے قوم حیدر علی کے مزار پر حاضری، قومی شہداء کو خراج تحسین

    باکو (نیوز ڈیسک) وزیراعلیٰ پنجاب مریم نواز شریف نے آذربائیجان کے دارالحکومت باکو کے سرکاری دورے کے دوران اپنی مصروفیات کا باقاعدہ آغاز کر دیا۔
    تفصیلات کے مطابق، وزیراعلیٰ مریم نواز شریف نے سب سے پہلے آذربائیجان کے سابق صدر اور بابائے قوم حیدر علی کے مقبرے پر حاضری دی۔ انہوں نے حیدر علی کے مقبرے پر پھول رکھے اور فاتحہ خوانی کی، اور آذربائیجان کی ترقی کے لیے ان کی خدمات کو سراہا۔


    بعد ازاں، وزیراعلیٰ مریم نواز شریف باکو میں واقع یادگار "کوچہ شہداء” (Alley of Martyrs) تشریف لے گئیں۔ انہوں نے یادگار شہداء پر پھول رکھے اور آذربائیجانی شہداء کی عظیم قربانیوں کو زبردست خراج تحسین پیش کیا۔
    اس موقع پر وزیراعلیٰ نے کوچہ شہداء میں نصب شہداء کی تصاویر کے سامنے بھی پھول رکھ کر ان کے احترام کا اظہار کیا۔ وزیراعلیٰ پنجاب اور ان کے وفد میں شامل دیگر شرکاء نے آذربائیجان کے قومی شہداء کی قربانیوں کو سراہا اور دونوں برادر ممالک کے درمیان تاریخی تعلقات کی اہمیت پر زور دیا۔:

    Related Posts