وزیر مملکت برائے داخلہ پاکستان مسلم لیگ ن کے سینیٹر طلال چوہدری نے انکشاف کیا ہے کہ پی ٹی آئی کے ایم این اے اقبال آفریدی کے بیٹے نے سرکاری منصب کے تحت ملنے والے بلیو پاسپورٹ پر اٹلی کا سفر کیا اور وہاں پہنچ کر سیاسی پناہ کی درخواست دے دی۔ جبکہ اقبال آفریدی نے اپنے ویڈیو پیغام میں کہا ہے کہ جوان بیٹا تو میرا گیا ظالموں کی وجہ سے اپنے بچے سے محروم ہوگیا۔
اہم انکشاف، تحریک انصاف کے ایم این اے اقبال آفریدی کا بیٹا بلیو پاسپورٹ پر اٹلی گیا، وہاں جا کر اسائلم لے لیا، یہ بات سفارتی ذرائع سے پاکستان تک پہنچی، معاملہ بدنامی کا باعث بنا، طلال چوہدری pic.twitter.com/8JFwGxuiMQ
— Khurram Iqbal (@khurram143) May 13, 2026
ذرائع کے مطابق ارکانِ پارلیمنٹ کے اہل خانہ کو سرکاری دوروں یا سہولت کے لیے آفیشل بلیو پاسپورٹ جاری کیا جاتا ہے، جس کا مقصد سفارتی وقار کو برقرار رکھنا ہوتا ہے، تاہم اب یہ الزام سامنے آیا ہے کہ اقبال آفریدی کے صاحبزادے نے اس پاسپورٹ کا فائدہ اٹھاتے ہوئے اٹلی میں داخلہ حاصل کیا اور پھر وہاں کے حکام کو سیاسی بنیادوں پر پناہ کی درخواست دے دی، جو کہ سرکاری پاسپورٹ کے قواعد و ضوابط کی سنگین خلاف ورزی ہے۔
اس حوالے سے وزیر مملکت برائے داخلہ سینیٹر طلال چوہدری کا کہنا ہے کہ ہمیں اٹلی نے بہت سخت پیغام بھیجا ہے جو میں بتا نہیں سکتا،
جبکہ پی ٹی آئی کے رکن قومی اسمبلی اقبال آفریدی کاکہنا ہے کہ بیٹا میرا گیا ہے ان کے ظلموں کی وجہ سے میں اپنے جوان بیٹے سے محروم ہوگیا ہوں مجھ سے تو لوگوں کو ہمدردی کرنی چاہئے ۔