جھڈو / قیصر راجہ راجپوت
دیگر شہروں کی طرح جھڈو میں بھی عید الاضحیٰ کے قریب آتے ہی مویشی منڈی سج گئی جہاں بڑی تعداد میں شہری قربانی کے جانور خریدنے کے لیے دور دراز علاقوں سے مویشی منڈی کا رخ کر رہے ہیں۔ جھڈو مین لگنے والی مویشی منڈی میں خوبصورت اور صحت مند بیل، بکرے اور دنبے خریداروں کی توجہ کا مرکز بنے ہوئے ہیں، جبکہ بیوپاری بھی اپنے جانوروں کی خوبصورتی اور قیمتوں کے حوالے سے پُرامید نظر آتے ہیں۔خریداروں کا کہنا ہے کہ اس بار جانوروں کی قیمتوں میں اضافہ دیکھنے میں آ رہا ہے، تاہم اس کے باوجود قربانی کی سنت ادا کرنے کے لیے لوگ بھرپور خریداری کر رہے ہیں۔انتظامیہ کی جانب سے منڈیوں میں سکیورٹی اور دیگر سہولیات فراہم کرنے کے اقدامات بھی کیے گئے ہیں تاکہ شہریوں کو کسی قسم کی مشکلات کا سامنا نہ ہو۔جھڈو کی مویشی منڈی میں خریداروں کا رش عروج پر ہے، اور عید الاضحیٰ کی تیاریاں زور و شور سے جاری ہیں۔