ٹنڈوالہیار رپورٹ تیمور رضا قائم خانی
ایس ایس پی ٹنڈوالھیار سید سلیم شاہ کی ٹنڈوالھیار بار آمد نومنتخب بار عہدیداران اور ممبران کو مبارکباد ایس ایس پی ٹنڈوالھیار نے ٹنڈوالھیار بار ایسوسی ایشن کا دورہ کیا جہاں انہوں نے بار الیکشن 2026 میں کامیاب ہونے والے عہدیداران اور ممبران کو مبارکباد پیش کی اس موقع پر ایس ایس پی ٹنڈوالھیار نے وکیل برادری سے خطاب کرتے ہوئے کہا کہ وکلاء ہمارے معاشرے کا اہم ستون ہیں جو قانون کی بالادستی، انصاف کی فراہمی اور عوام کے حقوق کے تحفظ میں کلیدی کردار ادا کرتے ہیں۔ پولیس اور وکلاء کا باہمی تعاون معاشرے میں امن و امان کے قیام اور انصاف کی مضبوطی کے لیے انتہائی ضروری ہے ایس ایس پی سید سلیم شاہ نے منشیات کے بڑھتے ہوئے ناسور پر تشویش کا اظہار کرتے ہوئے کہا کہ نوجوان نسل کو منشیات سے بچانا ہم سب کی مشترکہ ذمہ داری ہے۔ انہوں نے وکیل برادری سے اپیل کی کہ منشیات کے خاتمے اور اس ناسور کے خلاف جاری مہم میں پولیس کا بھرپور ساتھ دیں تاکہ معاشرے کو منشیات جیسی لعنت سے پاک کیا جا سکے اس موقع پر وکیل برادری کی جانب سے ایس ایس پی ٹنڈوالھیار کا شکریہ ادا کیا گیا اور اس عزم کا اظہار کیا گیا کہ وہ قانون کی بالادستی، امن و امان کے قیام اور منشیات کے خلاف جاری مہم میں پولیس کے ساتھ ہر ممکن تعاون جاری رکھیں گے آخر میں ایس ایس پی ٹنڈوالھیار نے بار کے عہدیداران اور وکلاء برادری کے ساتھ خوشگوار ماحول میں ملاقات کی اور باہمی تعاون کو مزید مضبوط بنانے کے عزم کا اظہار کیا۔