شیخوپورہ،مجاورانوالی میں گھریلو جھگڑے پر باپ نے بیٹی کو قتل کردیا

شیخوپورہ (رپورٹ اسامہ طفیل) مجاورانوالی میں گھریلو جھگڑے پر باپ نے بیٹی کو قتل کردیا، مقدمہ درج شیخوپورہ مجاورانوالی کے علاقہ میں گھریلو جھگڑے کے دوران افسوسناک واقعہ پیش آیا، جہاں شوہر سے لڑائی جھگڑے کے بعد باپ نے اپنی بیٹی کو مبینہ طور پر قتل کردیا۔تفصیلات کے مطابق مقتولہ عنیقہ بی بی کو اس کے باپ عباد علی نے گھر میں گلا دبا کر قتل کیا اور موقع سے فرار ہوگیا۔ واقعے کے حوالے سے مقتولہ کے بیٹے نے بیان دیا ہے کہ ملزم واردات کے بعد فرار ہوگیا۔بھائی محمد شیراز کے مطابق مقتولہ عنیقہ بی بی اپنے شوہر کے ساتھ نہیں رہنا چاہتی تھی جبکہ وقوعہ کے روز وہ سسرال سے جھگڑا کرنے کے بعد میکے واپس آئی تھی۔صفدر آباد پولیس نے محمد شیراز کی درخواست پر ملزم عباد علی کے خلاف قتل کا مقدمہ درج کرلیا ہے۔ پولیس کے مطابق لاش ضروری کارروائی کے بعد ورثاء کے حوالے کردی گئی ہے۔