پنکی کا گرفتاری سے عین پہلے کا آڈیو لیک، جانشین مقرر، لاہور میں رہائش گاہ کا پتہ چل گیا

لاہور:ملزمہ انمول پنکی نے اپنی گرفتاری سے قبل ہی اپنا جانشین مقرر کرلیا تھا، ملزمہ کی جانب سے اس حوالے سے آڈیو میسج کے ذریعے تمام کلائنٹس کو آگاہ کر دیا گیا تھا۔

نجی ٹی وی چینل اے آر وائی نیوز کے مطابق ملزمہ نے جانشین مقرر کرنے کے حوالے سے آڈیو میسج ریکارڈ کروا دیا تھا کہ اگر میرے ساتھ کچھ ہو جاتا ہے تو میرے اسی نمبر سے کام چلتا رہے گا۔
ملزمہ انمول پنکی کا آڈیو میں کہنا تھا کہ میرے اسی نمبر سے آپ کیساتھ ایک جینٹس رابطے میں ہوں گے، میرے بعد کام سنبھالنے والا میرا دوست ہوگا وہ تمام معاملات بتادے گا۔
انمول پنکی لاہور میں بھی بھائیوں کے ہمراہ منشیات فروشی کرتی تھی۔ملزمہ کے بھائی کے خلاف تھانہ کوٹ لکھپت میں مقدمہ درج ہے جس میں اسے چالان کیا گیا۔ ملزمہ تب فرار ہونے میں کامیاب ہوگئی تھی۔ ملزم تب پاک عرب سوسائیٹی میں رہتی تھی۔