ٹھٹھہ: جیئے سندھ تحریک کے مرکزی رہنماؤں کی رئیس احمد خان کرناڑی کے انتقال پر تعزیت

ٹھٹھہ رپورٹ شیراز واریو
ٹھٹھہ کے گاؤں صالح محمد کرناڑی میں جیئے سندھ رہبر کمیٹی کے رہنما اور جیئے سندھ محاذ کے چیئرمین ریاض علی چانڈیو، جیئے سندھ قومی محاذ شہید بشیر خان کے چیئرمین ڈاکٹر نیاز کالانی، جیئے سندھ قومی پارٹی کے چیئرمین نواز خان زئور سمیت دیگر مرکزی رہنما پنہل ساریو، ڈاکٹر خوشحال کالانی، الٰہی بخش چاچڑ، ایاز سولنگی، قادر بخش زئور اور صوفی حاجن گل نے شہید شفیع محمد کرناڑی کی اوطاق پر پہنچ کر رئیس احمد خان کرناڑی کے انتقال پر تعزیت کی۔
رہنماؤں نے جیئے سندھ تحریک کے مرکزی جنرل سیکریٹری راول کرناڑی، محمد صدیق کرناڑی، اقبال کرناڑی، ڈاکٹر نیاز کرناڑی، جام سنگھار کرناڑی، فہد کرناڑی اور دیگر اہل خانہ سے ملاقات کر کے مرحوم کے ایصالِ ثواب کے لیے دعا کی اور دلی ہمدردی کا اظہار کیا۔
اس موقع پر امجد شورو، اعزاز کرناڑی، جاوید نہیو، ریاض کرناڑی، محمد بخش کرناڑی سمیت کرناڑی برادری کے نوجوانوں کی بڑی تعداد بھی موجود تھی۔