شہدادپور کے اسکول ٹیچر کی کو گرفتار کرکے لاپتہ کرنے کے خلاف سول سوسائٹی کا کی احتجاجی پریس کانفرنس

شہدادپور(رپورٹ عمران قمر )
شہدادپور کے اسکول ٹیچر کی کو گرفتار کرکے لاپتہ کرنے کے خلاف سول سوسائٹی کا کی احتجاجی پریس کانفرنس
تفصیلات کے مطابق شہدادپور کے ایک نجی اسکول کے پرنسپل ذوالفقار علی خاصخیلی کو مبینہ طور پر حیدرآباد پولیس کی جانب سے رات گئے گرفتار کر کے لاپتا کرنے کے خلاف ان کے ورثاء اور معززینِ شہر نے سخت احتجاج کیا ہے۔ میڈیا سے گفتگو کرتے ہوئے محمد علی خاصخیلی، مفتی اسلم شاکر، اسید الرحمن، سہیل لاکھو، امان ناگرہ، عمیر لاکھو، ماجد آرائیں اور پیر سلیم نے کہا کہ کچھ عرصہ قبل شہدادپور کی چند ہندو لڑکیوں اور ایک نوجوان نے اپنی مرضی سے اسلام قبول کیا تھا، جس کے بعد نو مسلم نوجوان اپنے والدین اور ورثاء کے ساتھ ہی رہائش پذیر تھا، مگر اب اس کے اغوا کا جھوٹا ڈرامہ رچا کر معزز شہری اور ماہرِ تعلیم ذوالفقار خاصخیلی کو پولیس نے زبردستی اٹھا کر لاپتا کر دیا ہے۔ انہوں نے مطالبہ کیا کہ اسکول پرنسپل کو غیر قانونی طور پر حراست میں لینے والے پولیس اہلکاروں کے خلاف فوری کارروائی کی جائے اور ذوالفقار خاصخیلی کو رہا کر کے ان کے ساتھ انصاف کیا جائے۔