جھڈو میں سماجی کارکن عبدالرحمان عرف اےآر جروار کے گھر پرچوری کی واردات

جھڈو (رپورٹ / قیصر راجہ راجپوت ) جھڈو میں سماجی کارکن عبدالرحمان عرف اےآر جروار کے گھر پر گزشتہ رات دیر گئے نامعلوم افراد کی جانب سے مبینہ چوری کی واردات کی گئی، جہاں سے چار موبائل فون سمیت قیمتی سامان چوری کر لیا گیا۔ واقعے کے بعد علاقے میں تشویش کی لہر دوڑ گئی جبکہ شہری حلقوں نے واقعے کی سخت الفاظ میں مذمت کرتے ہوئے چوری میں ملوث ملزمان کو گرفتار کر کے چوری کئے گئے موبائل فونز اور دیگر قیمتی سامان برآمد کیا جائے ،
ذرائع کے مطابق سماجی کارکن اے آر جروار حالیہ دنوں گورنمنٹ مین گرلز پرائمری اسکول جھڈو میں دو معصوم طالبات کی مبینہ ہلاکت کے حساس معاملے کو بے باکی سے اجاگر کر رہے تھے، جس کے باعث وہ بعض بااثر حلقوں کی ناراضی کا سامنا بھی کر رہے تھے۔ عوامی تحریک کے رہنماؤں ایاز کھوسو ، ایڈوکیٹ ایاز کلوئی ، ایڈوکیٹ ممتاز کھوسو ، ممتاز جونیجو، جسقم تعلقہ جھڈو کے رہنما دیشی نیاز احمد کھوسو،شہریوں اور سماجی حلقوں کا کہنا ہے کہ یہ محض ایک عام چوری کی واردات محسوس نہیں ہوتی بلکہ بظاہر سچ بولنے اور عوامی مسائل کو سامنے لانے کی پاداش میں دباؤ ڈالنے کی کوشش معلوم ہوتی ہے۔