ٹھٹھہ: پولیس کی منشیات اور گٹکا فروشوں کے خلاف بڑی کارروائیاں، 19 ملزمان گرفتار، بھاری مقدار میں گٹکا، چرس اور دیسی شراب برآمد

رپورٹ شیراز واریو
ٹھٹھہ میں پولیس نے منشیات اور گٹکا فروشوں کے خلاف مختلف علاقوں میں کارروائیاں کرتے ہوئے 19 ملزمان کو گرفتار کرلیا ہے جن میں 17 گٹکا مٹیریل سپلائر اور فروش جبکہ 2 منشیات فروش شامل ہیں۔ کارروائیوں کے دوران بڑی مقدار میں گٹکا مٹیریل، چرس، دیسی شراب اور گاڑیاں بھی برآمد کی گئی ہیں۔
پولیس کے مطابق مجموعی طور پر 119 کلو گٹکا مٹیریل، 2465 پڑیاں گٹکا ماوا، 4000 پڑیاں انڈین سفینا گٹکا، 1008 پیکٹ اور 22 ساشے تمباکو پتی، 1050 گرام چرس، 40 بیگز دیسی شراب، ایک آلٹو کار، ایک سوزوکی پک اپ، ایک رکشہ لوڈر اور ایک موٹر سائیکل برآمد ہوئے ہیں۔
تفصیلات کے مطابق تھانہ ساکرو کے علاقے بگھار واہ لنک روڈ پر پولیس نے کارروائی کرتے ہوئے ملزم اکبر علی عرف اکو ولد عبدالرحمٰن سومرو کو 1050 گرام چرس سمیت گرفتار کیا۔ تھانہ کینجھر کے علاقے چھنڈن موری کے قریب کارروائی کے دوران پولیس نے آلٹو کار کے ذریعے گٹکا سپلائی کی کوشش ناکام بناتے ہوئے دو ملزمان غلام رسول ولد اللہ ورایو ناریجو اور نادر ولد خمیسو مری کو گرفتار کیا، جن کے قبضے سے 1008 ساشے تمباکو پتی اور 500 پڑیاں گٹکا ماوا برآمد ہوا۔
اسی طرح تھانہ گھارو کے علاقے ہالیجی لنک روڈ پر کارروائی میں سوزوکی پک اپ سے 4000 پڑیاں انڈین سفینا گٹکا برآمد کرکے ملزم فیاض ولد عبدالمجید چوہان کو گرفتار کیا گیا۔
اس کے علاوہ ٹھٹھہ، مکلی، گھارو، دہابیجی، گھوڑاباڑی، جھمپیر، ساکرو اور سی آئی اے پولیس نے مشترکہ کارروائیوں میں مزید 14 گٹکا مٹیریل سپلائر اور ایک منشیات فروش کو گرفتار کیا۔
تمام گرفتار ملزمان کے خلاف متعلقہ تھانوں میں نارکوٹکس ایکٹ، منشیات آرڈیننس اور گٹکا ایکٹ کے تحت مقدمات درج کرکے مزید تفتیش شروع کردی گئی ہے۔