ٹریفک پولیس گوجرانولہ کے ڈی ایس پی ذیشان ملک اور ڈسٹرکٹ بار ایسوسی ایشن گوجرانوالہ کے سیکرٹری حق نواز ہنجرا کے درمیان ہونے والا تنازعہ شدت اختیار کر گیا

سیالکوٹ (سلیم احمد اعوان شیخو) ٹریفک پولیس گوجرانولہ کے ڈی ایس پی ذیشان ملک اور ڈسٹرکٹ بار ایسوسی ایشن گوجرانوالہ کے سیکرٹری حق نواز ہنجرا کے درمیان ہونے والا تنازعہ شدت اختیار کر گیا۔ڈسٹرکٹ بار ایسوسی ایشن گوجرانوالہ نے بار کے صدر رانا فرحان اور سیکرٹری حق نواز ہنجرا کی قیادت میں ریلی نکالی سیالکوٹ روڈ پر ٹریفک پولیس کے خلاف مظاہرہ کرتے ہوئے مطالبہ کیا کہ فوری طور پر ڈی ایس پی کو ضلع بدر کیا جائے دوسری طرف گوجرانوالہ بار ایسوسی ایشن کی ہڑتال کے باعث اج عدالتوں میں نظام عدل ٹھپ رہا جبکہ سیکرٹری بار کی طرف سے پولیس کے بار میں داخلے پر پابندی لگا دی گئی۔ڈسٹرکٹ بار ایسوسی ایشن نے مذکورہ ڈی ایس پی کے خلاف اندراج مقدمہ کے لئے علاقہ مجسٹریٹ کی عدالت میں استغاثہ بھی دائر کر دیا ہے۔