چکوال: (جلیل نقوی سے)
ڈسٹرکٹ کمپلیکس چکوال میں معرکۂ حق کے حوالے سے پرچم کشائی کی پروقار تقریب منعقد ہوئی، جس میں معزز پارلیمنٹرینز نے بطور مہمانِ خصوصی شرکت کی۔
تقریب میں ڈپٹی کمشنر چکوال، ڈسٹرکٹ پولیس آفیسر، ضلعی افسران، وکلاء، سول سوسائٹی، میڈیا نمائندگان اور مختلف شعبہ ہائے زندگی سے تعلق رکھنے والے افراد نے شرکت کی۔
مقررین نے اپنے خطاب میں قومی سلامتی، اتحاد و یکجہتی اور حب الوطنی کے جذبے کو اجاگر کرتے ہوئے کہا کہ موجودہ حالات میں قومی اتفاق اور شعور کی ضرورت پہلے سے کہیں زیادہ ہے۔
تقریب کے اختتام پر پاک فوج سے اظہارِ یکجہتی کے لیے ریلی نکالی گئی، جبکہ ملکی سلامتی، استحکام اور ترقی کے لیے خصوصی دعا بھی کی گئی۔