بگی مائنر میں پانی کی شدید قلت، ٹیل آبادگار ایسوسی ایشن کا احتجاجی تحریک چلانے کا اعلان

جھڈو (رپورٹ / قیصر راجہ راجپوت )

جمڑا کینال کی شاخ بگی مائنر میں پانی کی شدید قلت کے خلاف ٹیل آبادگار ایسوسی ایشن نارا کینال بگی مائنر کی جانب سے احتجاجی تحریک چلانے کا اعلان کر دیا گیا آبادگاروں نے الزام عائد کیا ہے کہ بگی مائنر کا پانی فروخت کیا جا رہا ہے، جس کے باعث کپاس، مرچ، جنتر، سبزیوں اور دیگر فصلیں سوکھنے لگی ہیں جبکہ مرچوں کے بیج بھی خشک سالی کا شکار ہو گئے ہیں۔آبادگار رہنماں ایاز کوسو، وڈیرہ جلیل انڑ، میر کامران ٹالپور، اسماعیل مغیری، علی حیدر ستار قائم خانی، جانی کمبوہ، امیر بخش رند اور دیگر نے بگی مائنر آفس اور اریگیشن بنگلے پر پریس کانفرنس اور احتجاجی مظاہرہ کرتے ہوئے کہا کہ 13 ہزار کیوسک پانی نارا کینال میں موجود ہونے کے باوجود بگی مائنر میں پانی نہیں چھوڑا جا رہا اور نہر میں دھول اڑ رہی ہے۔احتجاج کے دوران آبادگاروں نے غیر قانونی وارہ بندی ختم کرو، چار سات کا گیج دو، پینے کا پانی دو اور فصلوں کے لیے پانی دو کے نعرے لگائے بگی مائنر رہنماں نے اعلان کیا کہ 12 مئی بروز منگل جھڈو شہر میں شٹر بند ہڑتال کی جائے گی اور مٹھی۔میرپورخاص مین روڈ پر دھرنا دیا جائے گا۔ بعد ازاں آبادگاروں نیاحتجاجی ریلی بھی نکالی۔