سیالکوٹ (سلیم احمد اعوان شیخوسے)
غیرت کے نام پر پولیس کانسٹیبل کے ہاتھوں 35 سالہ نوجوان قتل ہو گیا۔بتایا گیا ہے کہ ایک نوجوان عدنان نے کچھ عرصہ قبل پولیس کانسٹیبل فاروق کی اہلیہ کو اسلحہ کی نوک پر اپنی ہوس کا نشانہ بنایا تھا تو ہوس کا شکار ہونے والی خاتون نے عدنان کے خلاف زنا بالجبر کا مقدمہ درج کروایا تھا تو مقدمہ کے اندراج کے بعد عدنان غائب ہو گیا تھا تو چند روز قبل اس نے ضمانت قبل از گرفتاری کروا لی۔لیکن پولیس کانسٹیبل فاروق کو اس بات کا رنج تھا کہ عدنان نے اس کی اہلیہ کے ساتھ زنا بالجبر کیا ہے اور اسی رنج کی بنا پر فاروق نے عدنان کو قتل کر دیا اور فرار ہو گیا۔پولیس نے عدنان کی لاش پوسٹ مارٹم کے لئے ہسپتال بجھوا دی ہے جبکہ پولیس نے مقدمہ درج کر کے ملزم فاروق کی گرفتاری کے لئے چھاپے مارنے شروع کر دئیے ہیں۔