اسلام آباد :امریکا اور ایران کے درمیان اسلام آباد میں ہونے والے مذاکرات اور اہم وفود کی شہر میں آمد کے بعد سے سکیورٹی ہائی الرٹ ہے۔
اسلام آباد میں عام طور پر ٹریفک سے کھچاکھچ بھری ہوئی سڑکیں سنیچر کو سنسان ہو گئی ہیں، کیونکہ سکیورٹی فورسز نے ایران اور امریکہ کے اعلیٰ سطحی حکام کے درمیان تقریباً چھ ہفتے سے جاری جنگ کے خاتمے کے لیے بات چیت سے قبل سڑکوں کو سیل کر دیا ہے۔ حکام نے اسلام آباد کے رہائشیوں پر زور دیا کہ وہ اپنے اپنے گھروں میں ہی رہیں۔ جبکہ جڑواں شہروں میں آج مقامی تعطیل کا اعلان بھی کیا گیا ہے۔
