’قیامت خیز دن،اصفہان پر امریکی ’بنکر بسٹرز‘ کی برسات، ٹرمپ کا فتح کاجشن ،عالمی معیشت کا جنازہ!

    واشنگٹن/ تہران/ اسلام آباد (نیوز ڈیسک): جنگ کی آگ نے نہ صرف زمین بلکہ عالمی معیشت اور سمندروں کو بھی اپنی لپیٹ میں لے لیا۔ صرف ایک دن میں ہونے والی تباہی نے دنیا کو تیسری عالمی جنگ کے دہانے پر لا کھڑا کیا ہے۔


    امریکا نے ایران کے شہر اصفہان میں موجود ایٹمی مرکز پر 2,000 پاؤنڈ وزنی ’بنکر بسٹر‘ بموں کی بھاری مقدار گرا دی۔ذرائع کے مطابق  یہ حملہ ٹھیک اس مقام پر کیا گیا جہاں 400 کلو گرام انتہائی افزودہ یورینیئم موجود تھا۔ دھماکے کے بعد فضا میں ’مشروم کلاؤڈ‘ (ایٹمی دھماکے جیسی آگ کی ڈھیر) بنتا دیکھا گیا۔ حیران کن طور پر صدر ٹرمپ نے اس ہولناک دھماکے کی ویڈیو خود اپنے ’ٹروتھ سوشل‘ اکاؤنٹ پر بغیر کسی تبصرے کے شیئر کی، جسے ان کی جانب سے فتح کا جشن قرار دیا جا رہا ہے۔


    خونریز 24 گھنٹے: 170 اہداف اور 400 گولے
    اسرائیلی کارروائی: اسرائیلی فوج (IDF) نے ایک ہی دن میں ایران کے اندر 170 مختلف مقامات پر 400 سے زائد میزائل اور گولے داغ کر تباہی مچا دی۔
    ایرانی جوابی کارروائی: ایران کے پاسدارانِ انقلاب (IRGC) نے ’آپریشن ٹرو پرومس 4‘ کی 87ویں لہر شروع کر دی ہے۔ اس کے تحت بحرین، متحدہ عرب امارات اور سعودی عرب میں موجود امریکی فوجی تنصیبات کو نشانہ بنایا گیا ہے۔
    دبئی کی بندرگاہ پر کویت کے مکمل بھرے ہوئے تیل بردار جہاز ’السالمی‘ پر ایرانی حملہ ہوا، جس میں لگی آگ اب تک بجھائی نہیں جا سکی۔
    عالمی منڈی میں زلزلہ: 2026 کے تمام منافع ختم!
    اس جنگی جنون نے عالمی معیشت کی کمر توڑ دی ہے:
    تیل کی قیمت: برینٹ کروڈ 111 ڈالر اور امریکی خام تیل 102 ڈالر فی بیرل تک جا پہنچا۔
    اسٹاک مارکیٹ: ایشیا پیسیفک مارکیٹ میں 13 فیصد کی تاریخی گراوٹ دیکھی گئی، جس نے سنہ 2026 میں ہونے والے تمام معاشی فوائد کو ایک ہی جھٹکے میں ختم کر دیا۔ نکیئی (جاپان) اور کوریا کی منڈیاں بھی بری طرح کریش کر گئیں۔
    آئی ایم ایف کی وارننگ: عالمی مالیاتی ادارے (IMF) نے خبردار کیا ہے کہ یہ جنگ پوری دنیا کے لیے ایک ’غیر متناسب صدمہ‘ (Asymmetric Shock) ثابت ہو رہی ہے۔
    صدر ٹرمپ کی پالیسی نے دنیا کو الجھن میں ڈال دیا ہے۔ ایک ملاقات میں انہوں نے کہا کہ وہ جنگ ختم کرنے کے لیے آبنائے ہرمز کو مستقل بند رکھنے پر بھی راضی ہو سکتے ہیں، لیکن محض 20 منٹ بعد انہوں نے دھمکی دے دی کہ وہ ایران کے تمام بجلی گھروں کو ’نیست و نابود‘ کر دیں گے۔
    یہ منگل محض ایک عام دن نہیں تھا بلکہ اس نے ثابت کر دیا کہ عالمی نظام مکمل طور پر مفلوج ہو چکا ہے۔ اگر آپ ان خبروں سے اب آگاہ ہو رہے ہیں، تو آپ دنیا سے 48 گھنٹے پیچھے ہیں۔ صورتحال اس سے کہیں زیادہ تیزی سے بگڑ رہی ہے جتنا کہ تصور کیا جا رہا تھا۔

    Related Posts