ڈھاکہ: بنگلہ دیش نیشنلسٹ پارٹی کی سربراہ اور سابق وزیراعظم بیگم خالدہ ضیاء کی حالت تشویشناک ہے اور انہیں وینٹی لیٹر پر منتقل کردیاگیا ہے۔
بنگلہ دیش نیشنلسٹ پارٹی (بی این پی) کی چیئرپرسن ضیاء کو 23 نومبر کو ایک نجی ہسپتال میں داخل کرایا گیا تھا۔ انہوں نے سینے میں انفیکشن کی شکایت کی جس سے ان کے دل اور پھیپھڑے متاثر ہوئے۔ چار دن بعد، ان کی صحت کی پیچیدگیاں بگڑنے پر ان کو کورونری کیئر یونٹ (سی سی یو) میں منتقل کر دیا گیا۔ بی این پی کے نائب صدر ایڈوکیٹ احمد اعظم خان نے بتایا کہ خالدہ ضیاء کی حالت بگڑ گئی تھی اور انہیں وینٹی لیٹر پر رکھا گیا تھا۔
انہوں نے یہاں ایور کیئر ہسپتال کے باہر میڈیا سے گفتگو کرتے ہوئے کہا ہے کہان کی حالت بہت نازک ہے۔ پوری قوم سے دعا کی درخواست کرنے کے علاوہ کچھ نہیں کیا جا سکتا”۔حال ہی میں انہیں بیرون ملک بھیجنے کی تیاریاں کی گئی تھیں لیکن ان کی مسلسل بگڑتی صحت کو دیکھتے ہوئے ڈاکٹروں نے انہیں ایئر لفٹ نہ کرنے کا مشورہ دیا تھا۔
ان کے اکلوتے بیٹے طارق رحمان بی این پی کے قائم مقام صدر 2008 سے لندن میں مقیم ہیں۔ ان کے دوسرے بیٹے عرفات رحمٰن 2025 میں دل کا دورہ پڑنے سے انتقال کر گئے۔ 5 اگست 2024 کو اس وقت کی وزیر اعظم شیخ حسینہ کی عوامی لیگ کی حکومت کے خاتمے، طلباء کی زیرقیادت پرتشدد مظاہروں کے بعد بی این بی بنگلہ دیش کے بدلے ہوئے سیاسی منظر نامے میں ایک سرکردہ جماعت کے طور پر دوبارہ ابھری ہے۔