لاہور: (خصوصی رپورٹر)سیلاب کی تباہ کاریوں اور اسکے اثرات پر پاکستان پیپلز پارٹی کے رھنماوں چودھری منظور احمد ، فیصل میر اور سید حسن مرتضی نے پریس کانفرنس کرتے ہوئے کہا ہے کہ سیلاب کے باعث آنے والی تباہی سوچ سے زیادہ ہے پنجاب حکومت خود پسندی سے باہر نکلے ۔
فیصل ٹاؤن میں واقع پاکستان پیپلز پارٹی پنجاب کے دفتر سے پیپلز پارٹی کے رہنماؤں نے پریس کانفرنس سے خطاب کیا۔ ان کا کہنا تھا کہ سیلاب نے تحصیلوں کی تحصیلیں تباہ کر دی ہیں، جو لوگ سو سو ایکڑ کے مالک تھے آج سڑک پر آ گئے ہیں۔ ان میں سے کون ہے جو لائن میں لگ کر آپ سے کھانا لے گا۔ یہ دینے والے لوگ ہیں مانگ نہیں سکتے۔
پیپلزپارٹی پنجاب کے رہنماؤں کا کہنا تھا کہ آپ اب تک کوئی میکنزم نہیں بنا سکے کہ کیسے ان لوگوں کی بحالی ہو گی۔ خود پسندی اور شو بازی کے خول سے نکلیں اور حقائق کا سامنا کریں تباہی آپ کی سوچ سے کہیں زیادہ ہے ۔