لاہور: پنجاب میں سیلاب سے متاثرہ علاقوں میں ریسکیو اور ریلیف کی امدادی سرگرمیاں ، سیلاب زدہ علاقوں سے 24 گھنٹوں میں 45 ہزار افراد ہزاروں مویشیوں کا انخلا ، رپورٹ جاری کردی گئی۔
دریائے چناب،راوی، ستلج،جہلم اورسندھ سے ملحق سیلاب زدہ علاقوں سے 3ہزار سے زائدافراد کو محفوظ انخلاء اورپنجاب میں مختلف علاقوں سے 45ہزار سے زائد افراد کوا نخلا ء کردیاگیا۔گجرات،گوجرانوالہ،منڈی بہاؤالدین،حافظ آباد،نارروال،شیخوپورہ،ننکانہ صاحب،قصور، اوکاڑہ اور پاکپتن کے اضلاع سیلاب سےزیادہ متاثر ہوئے ۔پنجاب کے 30اضلاع 9500 سے زائد افراد کے ٹرانسپوٹیشن کے آپریشن میں 669بوٹس2861ریسکیورزحصہ لیا۔
منڈی بہاؤالدین کے علاقے کالا شیدیاں سے816اورحافظ آباد کی تحصیل پنڈی بھٹیاں سے 24گھنٹے میں 625 افراد کا انخلاء کردیاگیا۔ننکانہ صاحب میں سیلابی پانی میں گھرے1553 افرادبحفاظت محفوظ مقامات پر منتقل کردیاگیا۔سیلابی علاقوں سے 568 خواتین اور 318 بچے بھی شامل ہیں۔ننکانہ صاحب کے دیہات میں سیلاب متاثرین کے 2392مویشی بھی محفوظ مقامات پر منتقل کردیئے۔ننکانہ صاحب میں جاری ریسکیو آپریشن میں 14 بوٹس اور 93 ورکرز اور 122 رضاکاروں نے حصہ لیا۔سیلاب متاثرین کے لئے علاج معالجہ کی سہولت، کھانا بھی مہیا کیا گیا۔سیلاب متاثرین کے لئے قائم 7 فلڈ ریلیف اور شیلٹر کیمپس میں وزیراعلیٰ مریم نواز شریف کی ہدایت پر بہترین انتظامات کردئیے گئے۔