سیلیکان ویلی ، کیلے فورنیا : ایپل کی آئی فون 17 سیریز میں بڑی تبدیلیاں، ایپل کا پہلا فولڈایبل آئی فون 2026 میں لانچ ہوگا ۔
ایپل کمپنی کی جانب سے آئی فون لائن اَپ کو نئی شکل دینے کی شروعات آئی فون 17-ایئر سے ہوگی۔ یہ کمپنی کا سب سے پتلا آئی فون ہوگا جو اگلے مہینے لانچ کیا جارہا ہے۔ اس سے بھی بڑی تبدیلی اگلے سال دیکھنے کو ملے گی، جب کمپنی اپنا پہلا فولڈیبل آئی فون لانچ کرے گی۔ یہ بک اسٹائل کا فون ہوگا اور گوگل اور سیمسنگ کے فولڈیبل فون کو سخت ٹکر دے گا۔
رپورٹس کے مطابق پہلا فولڈیبل آئی فون چار کیمروں کے ساتھ آئے گا۔ اس کے ریئر میں دو، اِنر اسکرین اور کور اسکرین پر ایک-ایک کیمرہ ہوگا۔ اس کے علاوہ اس فون میں سم کارڈ سلاٹ نہیں ہوگا اور کنکٹیویٹی کے لیے اس میں ایپل اپنے اِن ہاؤس ماڈم کو استعمال کرے گا۔ اس میں فیس آئی ڈی کی جگہ ٹچ آئی دی جائے گی۔ فولڈ ہونے پر اس آئی فون کی موٹائی 9.5-9 ایم ایم رہ سکتی ہے۔ اس کی قیمت کو لے کر باضابطہ طور پر ابھی کوئی جانکاری نہیں آئی ہے لیکن یہ مانا جا رہا ہے کہ اسٹینڈرڈ آئی فون کے مقابلے میں اس کی قیمت زیادہ ہوگی۔
واضح رہے کہ 2027 میں آئی فون کو 20 سال پورے ہو جائیں گے اور کمپنی اس موقع پر آئی فون میں بڑی تبدیلی کرے گی۔ قیاس ہے کہ 2027 میں آئی فون میں اسکوئر کارنر ملنے بند ہو جائیں گے۔ نئے ڈیزائن کو لکوئڈ گلاس انٹرفیس کے حساب سے تیار کیا جائے گا۔ اس کے علاوہ آن اسکرین ایلیمنٹ کو بھی راؤنڈ ایز دیے جا سکتے ہیں۔ ایسے میں 2027 ایپل کی آئی فون لائن اَپ کے لیے ایک بڑا سال ثابت ہو سکتا ہے۔