بھریا سٹی *رپورٹ: مجاہد علی مغل*

نوشہروفیروز میں جمعیت علمائے اسلام کی جانب سے قائد جمعیت مولانا فضل الرحمان کی کردار کشی اور سندھ کی تقسیم کے خلاف احتجاجی ریلی نکالی گئی۔
احتجاجی ریلی اللہ والوں چوک سے شروع ہو کر پریس کلب تک پہنچی، جس کی قیادت ضلعی امیر مولانا عبدالرحمٰن ڈنگراج نے کی۔ ریلی میں علمائے کرام، جمعیت علمائے اسلام کے کارکنوں اور شہریوں نے بڑی تعداد میں شرکت کی۔
اس موقع پر احتجاج کرنے والوں نے سندھ کی وحدت کے حق میں زوردار نعرے بازی کی اور اپنے قائد مولانا فضل الرحمان سے یکجہتی کا اظہار کیا۔
ریلی کے شرکاء کا کہنا تھا کہ مولانا فضل الرحمان کی کردار کشی اور سندھ کی تقسیم کسی بھی صورت میں قبول نہیں کی جائے گی۔ انہوں نے مطالبہ کیا کہ سندھ کی وحدت کا تحفظ یقینی بنایا جائے اور مولانا فضل الرحمان کی کردار کشی کا سلسلہ فوری طور پر بند کیا جائے۔


