راولپنڈی: چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر سے قطر کے وزیر داخلہ شیخ خلیفہ بن حمد بن خلیفہ آل ثانی نے راولپنڈی میں ملاقات کی۔
آئی ایس پی آر کے مطابق ملاقات میں باہمی دلچسپی کے امور، خطے اور عالمی سطح پر سکیورٹی کی بدلتی ہوئی صورتحال اور دوطرفہ سکیورٹی تعاون کو مزید فروغ دینے کے امکانات پر تبادلہ خیال کیا گیا۔
اس موقع پر دونوں جانب سے پاکستان اور قطر کے درمیان دوطرفہ تعلقات کو مزید مضبوط بنانے کے عزم کا اعادہ کیا گیا، بالخصوص سکیورٹی، انسدادِ دہشت گردی اور ادارہ جاتی تعاون کے شعبوں میں روابط بڑھانے پر اتفاق کیا گیا۔
آئی ایس پی آر کے مطابق قطری وزیر داخلہ نے علاقائی امن و استحکام کے فروغ میں پاکستان کے کردار کو سراہتے ہوئے دونوں ممالک کے درمیان دیرینہ برادرانہ تعلقات کا اعتراف کیا۔
ملاقات کے دوران فیلڈ مارشل سید عاصم منیر نے قطر کے ساتھ دوطرفہ روابط مزید مضبوط بنانے کے لیے پاکستان کے عزم کا اعادہ کیا اور مشترکہ سکیورٹی چیلنجز سے نمٹنے کے لیے قریبی تعاون کی اہمیت پر زور دیا۔
فیلڈ مارشل سید عاصم منیر سے قطرکے وزیر داخلہ کی ملاقات،سکیورٹی اور انسدادِ دہشت گردی کے شعبوں میں تعاون بڑھانے پر اتفاق

