اسلام آباد :ملکی سیاسی صورتحال اور اتحادی جماعتوں کے درمیان ہم آہنگی کے حوالے سے وزیراعظم شہباز شریف اور صدر مملکت آصف علی زرداری کے درمیان ایک اہم ملاقات ہوئی ہے، جس میں وفاقی وزیر داخلہ محسن نقوی بھی شریک تھے۔
President @AAliZardari meeting Prime Minister Muhammad Shehbaz Sharif at Aiwan-e-Sadr. https://t.co/4NGktZjpz8
— PPP (@MediaCellPPP) November 19, 2026
اعلامیے اور سرکاری ذرائع کے مطابق ملاقات کے دوران ملکی مجموعی سیاسی صورتحال، حکومتی معاملات اور اتحادیوں کے تحفظات پر تفصیلی تبادلہ خیال کیا گیا۔ رہنماؤں نے اس بات پر مکمل اتفاق کیا کہ تمام درپیش معاملات اور مسائل کا حل افہام و تفہیم اور بات چیت کے ذریعے ہی نکالا جائے گا۔
ملاقات میں ہونے والی گفتگو کے مطابق یہ موقف اختیار کیا گیا کہ 27ویں آئینی ترامیم تمام اتحادی جماعتوں کی مکمل اور باہمی مشاورت کے ساتھ کی گئیں۔ قیادت نے اس عزم کا اعادہ کیا کہ آئندہ بھی تمام اہم قومی اور سیاسی معاملات پر مل کر بیٹھا جائے گا اور اتحادیوں کی مشاورت سے ہی ان کا متفقہ حل نکالا جائے گا تاکہ ملکی استحکام اور حکومتی امور کو خوش اسلوبی سے آگے بڑھایا جا سکے۔

