اسلام آباد :پاکستان نے بھارتی طیاروں کے لیے اپنی فضائی حدود کے استعمال پر عائد پابندی میں مزید توسیع کردی ہے، جس کے تحت بھارتی طیارے اب 24 دسمبر تک پاکستانی فضائی حدود استعمال نہیں کرسکیں گے۔
سول ایوی ایشن نے پابندی میں توسیع کا نیا نوٹم جاری کردیا ہے، جس کا اطلاق بھارتی فوجی پروازوں پر بھی ہوگا۔
نوٹم کے مطابق بھارتی مسافر اور فوجی طیاروں کو پاکستانی فضائی حدود استعمال کرنے کی اجازت نہیں ہوگی۔ پابندی 24 دسمبر تک برقرار رہے گی۔
حکام کا کہنا ہے کہ اس دوران کوئی بھی بھارتی رجسٹرڈ یا آپریٹڈ پرواز پاکستانی فضائی حدود میں داخل نہیں ہوسکے گی۔
خیال رہے کہ بھارتی طیاروں کے لیے پاکستانی فضائی حدود کے استعمال پر پابندی گزشتہ برس عائد کی گئی تھی۔
بھارتی طیاروں کےلئے پاکستانی فضائی حدود کے استعمال پرعائد پابندی میں توسیع

