کراچی :عالمی اور مقامی صرافہ بازاروں میں سونے اور چاندی کی قیمتوں میں نمایاں کمی ریکارڈ کی گئی ہے۔
آل صرافہ ایسوسی ایشن کے مطابق مقامی مارکیٹ میں 24 قیراط فی تولہ سونے کی قیمت میں 3 ہزار 700 روپے کی کمی واقع ہوئی ہے، جس کے بعد فی تولہ سونا کم ہو کر 3 لاکھ 95 ہزار 236 روپے پر آ گیا ہے۔
اسی طرح 10 گرام سونے کے بھاؤ میں 3 ہزار 172 روپے کی کمی ریکارڈ کی گئی، جس کے نتیجے میں 10 گرام سونا 3 لاکھ 38 ہزار 851 روپے کا ہو گیا ہے۔ مقامی صرافہ بازار میں 24 قیراط فی تولہ چاندی کی قیمت بھی 43 روپے گھٹ کر 5 ہزار 5 روپے کی سطح پر آ گئی ہے۔
دوسری جانب انٹرنیشنل بلین مارکیٹ میں بھی مندی کا رجحان دیکھا گیا، جہاں فی اونس سونے کی قیمت 37 ڈالر کمی کے بعد 3 ہزار 727 ڈالر کی سطح پر آ گئی ہے۔

