چین کی آرمی انجینئرنگ یونیورسٹی نانجنگ میں منعقدہ 13ویں انٹرنیشنل آرمی کیڈٹس ویک میں پاکستانی کیڈٹس نے اپنی پیشہ ورانہ اور ٹیکنالوجی کی صلاحیتوں کا لوہا منواتے ہوئے بین الاقوامی ٹیموں میں پہلی اور مجموعی مقابلے میں دوسری پوزیشن حاصل کر کے سلور میڈل اپنے نام کر لیا ہے۔
پاکستانی کیڈٹس کی چین میں منعقدہ 13ویں انٹرنیشنل آرمی کیڈٹس ویک میں شاندار کامیابی
چین کی آرمی انجینئرنگ یونیورسٹی، نانجنگ میں منعقدہ ایونٹ میں پاکستانی کیڈٹس نے اپنی صلاحیتوں کا لوہا منوا لیا-
ایونٹ میں پاکستان کے علاوہ 11ممالک کی فوجی اکیڈمیوں اور چین کی 18 فوجی اکیڈمیوں کے کیڈٹس شریک ہوئے
پاکستان کے کالج آف الیکٹریکل اینڈ مکینیکل انجینئرنگ کے کیڈٹس نے شاندار کارکردگی کا مظاہرہ کرتے ہوئے11 ممالک کی حصہ لینے والی بین الاقوامی ٹیموں میں پہلی پوزیشن حاصل کی
جبکہ مجموعی طور پر 29 چینی اور بین الاقوامی ٹیموں میں پاکستان نے دوسری پوزیشن حاصل کرکے سلور میڈل اپنے نام کیا
پاکستانی کیڈٹس کی ٹیم نے مقابلے کی کانسیپٹ اینڈ پیپر کیٹیگری میں اپنا پروجیکٹ ’’باکسر اَن مینڈ گراؤنڈ وہیکل‘‘ پیش کیا
ایونٹ میں میانمار، آذربائیجان، سنگاپور، تھائی لینڈ، جنوبی کوریا، مصر اور ویتنام سمیت دیگر غیر ملکی ٹیموں نے بھی حصہ لیا
پاکستانی کیڈٹس کی کامیابی پاک فوج کی پیشہ ورانہ مہارت، تخلیقی صلاحیتوں اور جدید ٹیکنالوجی میں قابلیت کا منہ بولتا ثبوت ہے
— PTV News (@PTVNewsOfficial) November 6, 2026
مقابلوں میں چین سمیت 11 ممالک کی فوجی اکیڈمیوں کی 29 ٹیموں نے شرکت کی، جہاں پاکستان کے کالج آف الیکٹریکل اینڈ مکینیکل انجینئرنگ (EME) کے کیڈٹس نے “باکسر اَن مینڈ گراؤنڈ وہیکل” نامی پروجیکٹ پیش کر کے کانسیپٹ اینڈ پیپر کیٹیگری میں نمایاں کامیابی حاصل کی۔ اس عالمی مقابلے میں میانمار، آذربائیجان، سنگاپور، تھائی لینڈ، جنوبی کوریا، مصر اور ویتنام جیسے ممالک کے کیڈٹس شامل تھے، جہاں پاکستانی ٹیم نے اپنی جدید قابلیت اور عسکری مہارت کا مظاہرہ کیا۔