کولمبیا:منشیات مافیا کی مدد کا الزام، جج فرار ہوتے ہوئے ائیرپورٹ سے گرفتار

بوگوٹا (کولمبیا):کولمبیا میں بڑی کارروائی: بوگوٹا ایئرپورٹ سے مائل میکسیکن فیڈرل جج کو امریکی ڈرگ کیس اور رشوت ستانی کے الزام میں گرفتار کر لیا گیا۔
کولمبیا کی پولیس نے دارالحکومت بوگوٹا کے ‘ایل ڈوریڈو بین الاقوامی ہوائی اڈے’ پر ایک کارروائی کرتے ہوئے میکسیکو کے فیڈرل جج لوئس بینیٹیز الکانٹاراکو گرفتار کر لیا ہے۔ جج کی یہ گرفتاری امریکا کی جانب سے جاری کردہ تحویل (Extradition) کے وارنٹ کی بنیاد پر عمل میں لائی گئی ہے۔
امریکی پراسیکیوٹرز کی جانب سے درج کیے گئے مقدمے کے مطابق، جج الکانٹارا پر میکسیکو سٹی میں ایک اہم کیس کی سماعت کے دوران سینالووا ڈرگ کارٹل سے منسلک ایک کینیڈین منشیات سپلائر کو رہا کرنے کے بدلے 20 لاکھ (2 ملین) امریکی ڈالر کی رشوت لینے کا سنگین الزام ہے۔
امریکی حکام نے میکسیکن جج پر منشیات کے عالمی نیٹ ورک کی مدد، اختیارات کے ناجائز استعمال اور مجرمانہ سازش سے متعلق 9 مختلف الزامات عائد کیے ہیں۔
کولمبیا پولیس کی جانب سے گرفتاری کے بعد اب امریکی وزارتِ انصاف کولمبین حکومت سے جج کو مزید تحقیقات اور مقدمے کے لیے امریکا منتقل کرنے کی قانونی کارروائی شروع کر رہی ہے۔
اس گرفتاری کو لاطینی امریکہ میں منشیات کے بین الاقوامی نیٹ ورکس اور عدالتی نظام میں پھیلنے والی بدعنوانی کے خلاف ایک بڑی کامیابی قرار دیا جا رہا ہے۔