سیالکوٹ (بیورو رپورٹ: سلیم احمد اعوان شیخو) — ڈسٹرکٹ پولیس آفیسر (ڈی پی او) سیالکوٹ کیپٹن (ر) دوست محمد کی خصوصی ہدایات پر ضلع بھر میں ٹریفک قوانین کی خلاف ورزی کرنے والوں کے خلاف آہنی ہاتھوں سے نمٹنے کا سلسلہ جاری ہے۔ اس سلسلے میں سیالکوٹ پولیس، ٹریفک پولیس اور پنجاب ہائی وے پیٹرول (PHP) نے مشترکہ کارروائیاں کرتے ہوئے اہم نوعیت کی خلاف ورزیوں پر سخت قانونی کارروائی عمل میں لائی ہے۔ترجمان پولیس کے مطابق کارروائیوں کے دوران درج ذیل مقدمات درج کیے گئے ہیں:خطرناک ڈرائیونگ اور اوور لوڈنگ: ٹریفک قوانین کی سنگین خلاف ورزی اور مسافروں کی زندگیوں سے کھیلنے پر 19 مقدمات درج کیے گئے۔ نوجوان نسل کی جانوں کو خطرے میں ڈالنے والے اس قبیح فعل پر 6 مقدمات درج کیے گئے۔ گاڑیوں اور موٹر سائیکلوں پر بوگس و ٹیمپرڈ نمبر پلیٹس لگانے پر 2 مقدمات بنائے گئے۔غیر محفوظ ایل پی جی (LPG) کا استعمال: پبلک ٹرانسپورٹ یا گاڑیوں میں انتہائی خطرناک طریقے سے ایل پی جی گیس سلنڈرز استعمال کرنے پر 2 مقدمات درج کیے گئے۔اس موقع پر ڈسٹرکٹ پولیس آفیسر کیپٹن (ر) دوست محمد کا کہنا تھا کہ سڑکوں پر سفر کرنے والے شہریوں کی حفاظت، ٹریفک قوانین کی مکمل پابندی اور حادثات کی روک تھام ہماری اولین ترجیح ہے۔ انہوں نے واضح کیا کہ قانون شکنی کرنے والوں کے خلاف بلاامتیاز کارروائیاں بلا تعطل جاری رہیں گی تاکہ قیمتی انسانی جانوں کو محفوظ بنایا جا سکے۔