سبی / مستونگ:بے نقاب نیوز کے بیورو چیف محمداسلم خجک کی رپورٹ
سلیم شہید کلب سبی اور ادا شہید کلب مستونگ کے درمیان ایک انتہائی سنسنی خیز اور کانٹے دار فائنل میچ کھیلا گیا۔ مقررہ وقت تک دونوں ٹیمیں حریف پر برتری حاصل نہ کر سکیں اور مقابلہ برابر رہا،
جس کے بعد میچ کا فیصلہ پنالٹی ککس پر ہوا۔ پنالٹی ککس کے دلچسپ مقابلے میں ادا شہید کلب مستونگ نے شاندار کارکردگی کا مظاہرہ کرتے ہوئے فتح اپنے نام کر لی ۔
میچ کے اختتام پر مہمانِ خصوصی میر ظفر علی چھلگری (ایکسین واپڈا سبی ڈویژن) اور اعزازی مہمانوں علی حسن مگسی (ایس ای واپڈا کیسکو سبی ڈویژن) اور غلام حسین (سرکل واپڈا وائس چیئرمین سبی) نے خصوصی شرکت کی۔ اس موقع پر مہمانوں نے شاندار کارکردگی دکھانے والی فاتح ٹیم اور رنر اپ کھلاڑیوں میں انعامات، شیلڈز اور ٹرافیاں تقسیم کیں۔
