نوشہروفیروز: سندھ کالونی میں چوری کی بڑھتی وارداتیں، دو ہفتوں سے ایس ایچ او تعینات نہ ہونے کا انکشاف

تعارف:نوشہروفیروز: سندھ کالونی میں چوری کی وارداتوں میں خطرناک حد تک اضافے کے باعث شہریوں میں شدید تشویش پھیل گئی ہے۔ رات گئے نامعلوم چور ایک گھر سے قیمتی سامان اڑا کر فرار ہوگئے، جبکہ طویل عرصے سے تھانے میں مستقل ایس ایچ او کی تعیناتی نہ ہونے کا انکشاف بھی ہوا ہے۔تفصیلات: تفصیلات کے مطابق نوشہروفیروز کی سندھ کالونی میں رہائش پذیر کالی عمرانی کے گھر میں رات گئے چوری کی واردات پیش آئی، جہاں نامعلوم چور گھر سے ایک بیٹری، دو موبائل فونز، یو پی ایس اور دیگر قیمتی سامان چوری کرکے باآسانی فرار ہوگئے۔علاقہ مکینوں کا کہنا ہے کہ گزشتہ ایک ہفتے کے دوران سندھ کالونی میں چوری کی 4 وارداتیں ہوچکی ہیں، تاہم انتظامیہ کی جانب سے ان وارداتوں کی روک تھام کے لیے کوئی مؤثر اقدام سامنے نہیں آیا۔ایس ایچ او کی غیر موجودگی پر سوالات: دوسری جانب نوشہروفیروز سٹی ماڈل تھانہ گزشتہ دو ہفتوں سے ایس ایچ او کے بغیر چلنے کا انکشاف ہوا ہے۔ شہریوں کے مطابق 14 روز گزرنے کے باوجود تھانے میں مستقل ایس ایچ او مقرر نہیں کیا جاسکا، جس کے باعث علاقے میں امن و امان کی بگڑتی ہوئی صورتحال پر سنگین سوالات اٹھنے لگے ہیں۔شہریوں کا مطالبہ: متاثرہ شہریوں اور علاقہ مکینوں نے ایس ایس پی نوشہروفیروز میر روحل کھوسو سے فوری نوٹس لینے کا مطالبہ کیا ہے کہ:چوری شدہ سامان کی برآمدگی کے لیے فوری اقدامات کیے جائیں۔وارداتوں میں ملوث ملزمان کو گرفتار کرکے کیفرِ کردار تک پہنچایا جائے۔سٹی ماڈل تھانے میں فوری طور پر کسی ایماندار اور ذمہ دار ایس ایچ او کو تعینات کیا جائے تاکہ شہریوں میں پائی جانے والی بے چینی کا خاتمہ اور علاقے میں امن و امان کی صورتحال بہتر بنائی جا سکے۔