ڈھڈیال (نمائندہ بے نقاب نیوز منور حسین)
تھانہ ڈھڈیال پولیس نے جرائم پیشہ عناصر کے خلاف کریک ڈاؤن کرتے ہوئے سنگین مقدمے میں طویل عرصے سے مفرور دو اہم اشتہاری مجرموں کو گرفتار کر لیا ہے۔تفصیلات کے مطابق پہلی کارروائی میں ایس ایچ او تھانہ ڈھڈیال انسپکٹر سعادت شہزاد قمر اور سب انسپکٹر نذر حسین کی ٹیم نے کامیاب چھاپہ مار کارروائی کرتے ہوئے مقدمہ نمبر 229/26 میں مطلوب اشتہاری مجرم غلام شبیر ولد غلام قادر سکنہ اٹھوال کو دبوچ لیا۔جبکہ دوسری کارروائی میں سب انسپکٹر دانش علی یزدان اور ان کی ٹیم نے اسی مقدمے میں روپوش دوسرے اشتہاری مجرم محمد اختر ولد گل محمد سکنہ اٹھوال کو بھی حراست میں لے لیا۔پولیس حکام کا کہنا ہے کہ گرفتار دونوں اشتہاری مجرم سنگین مقدمات میں پولیس کو مطلوب تھے اور قانون سے بچنے کے لیے روپوش تھے۔ ملاتین سے مزید تفتیش کا آغاز کر دیا گیا ہے، اور قانون کی گرفت سے کوئی مجرم نہیں بچ سکتا۔ علاقہ مکینوں نے پولیس کی اس کارروائی کو سراہا ہے۔
