ملتان (رپورٹ: ملک جابر عباس)
مہنگائی کی چکی میں پسے عوام کے لیے حکومتی پالیسیاں ایک اور عذاب بن گئیں! پٹرولیم لیوی اور ظالمانہ ٹیکسوں کی یلغار کے خلاف ملتان کے نواں شہر چوک میں عوام کا غصہ لاوارث آتش فشاں کی طرح پھٹ پڑا، جہاں جماعت اسلامی کی قیادت میں ایک دنگا مچا دینے والا اور تاریخی احتجاجی مظاہرہ کیا گیا۔ اس احتجاج میں ہزاروں کی تعداد میں شہریوں نے شرکت کرکے حکومتی تختہ الٹنے کے مترادف نعرے بازی کی۔احتجاجی مظاہرے کی قیادت کرنے والے امیر جماعت اسلامی سٹی ڈسٹرکٹ ملتان، صہیب عمار صدیقی نے اس موقع پر حکومت کو کڑے ہاتھوں لیتے ہوئے خبردار کیا کہ عوام کا خون نچوڑنے والے ٹیکس کسی صورت برداشت نہیں کیے جائیں گے۔ انہوں نے دو ٹوک الفاظ میں مطالبہ کیا کہ حکومت فوری طور پر پٹرولیم مصنوعات پر عائد ظالمانہ لیوی اور اضافی ٹیکس واپس لے، ورنہ ملک بھر میں دنگے اور دھرنوں کا ایسا طوفان اٹھے گا جسے روکنا حکمرانوں کے بس میں نہیں ہوگا۔واضح رہے کہ جماعت اسلامی کی ملک گیر احتجاجی تحریک کے سلسلے میں آج ملک بھر میں 150 سے زائد مقامات پر دھرنے دیے گئے ہیں، جن کا مقصد حکمرانوں کی ظالمانہ معاشی پالیسیوں کے خلاف عوامی مزاحمت کو منظم کرنا اور عوام کو فوری اور ریلیف فراہم کرانا ہے۔ ملتان کا یہ احتجاجی دنگا حکومتی ایوانوں میں صفِ ماتم بچھا گیا ہے!