دمام:
سعودی عرب کے شہر دمام میں واقع اہم ترین [کنگ فہد انٹرنیشنل ایئرپورٹ پر ایک حملے کے نتیجے میں ایک شخص جاں بحق جبکہ آٹھ افراد زخمی ہو گئے ہیں سعودی جنرل اتھارٹی آف سول ایوی ایشن (GACA) کی جانب سے جاری کردہ بیان کے مطابق حملے کی زد میں آکر زخمی ہونے والے افراد کو فوری طور پر قریبی اسپتال منتقل کر دیا گیا ہے، جہاں بعض زخمیوں کی حالت تشویشناک بتائی جاتی ہے۔ حکام کا کہنا ہے کہ اس حملے کے نتیجے میں ایئرپورٹ کی تنصیبات اور املاک کو بھی نقصان پہنچا ہے جس کا تخمینہ لگایا جا رہا ہے۔دوسری جانب، سکیورٹی ذرائع اور عسکری اتحاد کے مطابق مشرقی صوبے کے فضائی حدود میں سکیورٹی فورسز نے الرٹ جاری کرتے ہوئے متعدد ڈرونز کو فضا میں ہی تباہ کر دیا ہے۔ واقعے کے بعد ایئرپورٹ اور گردونواح کے علاقوں میں سکیورٹی کے انتہائی سخت انتظامات کر دیے گئے ہیں جبکہ متعلقہ ادارے صورتحال کا باریک بینی سے جائزہ لے رہے ہیں۔