پیرس :ریئلٹی ٹی وی سٹار کائلی جینر جب اپنے کیریئر میں پہلی مرتبہ وکٹوریاز سیکرٹ کے فیشن شو میں بطور ماڈل شریک ہوئیں تو انھوں نے پانچ کروڑ ڈالر کا بریزیئر (برا) پہن رکھا تھا، جس کے بعد ان کے پہناوے پر ملے جلے تبصرے سامنے آ رہے ہیں۔
کائلی جینر نے اتوار کے روز انڈر گارمنٹس بنانے والی معروف کمپنی کے سالانہ شو میں حاضرین کو اس وقت حیران کر دیا، جب وہ مشہور فینٹسی برا پہنے نمودار ہوئیں، جو ڈیزائنر کے مطابق 18 قیراط سونے اور 4,410 ہیروں سے تیار کی گئی تھی۔
فینٹسی برا کئی برسوں سے اس شو کی ایک نمایاں روایت رہی ہے اور اسے پہننا عموماً منتخب ماڈل کے لیے ایک اعزاز اور کیریئر کا ایک اہم سنگِ میل سمجھا جاتا ہے۔
29 سالہ کارڈیشینز سٹار کو یہ برا پہننے کے لیے منتخب کیے جانے پر بعض مداحوں نے خوشی کا اظہار کیا، جبکہ کئی دوسرے افراد نے برانڈ کو تنقید کا نشانہ بناتے ہوئے کہا کہ یہ موقع کسی تجربہ کار سپر ماڈل کو دیا جانا چاہیے تھا۔
18 قیراط سونا ، 4410 ہیرے ،رئیلٹی ٹی وی اسٹار کائلی جینر کے برا کی مالیت کتنی ?
